- Nga Beogradi raportohet për rrahje brutale të njërit nga organizatorët e paradës së homoseksualëve, Boban Stojanoviq.

Raportohet se lëndime të lehta ka marrë edhe një gazetar i Radios Evropa e Lirë. Ai është goditur në kokë teksa po fotografonte një grup kundërshtarësh të paradës, të cilët përpiqeshin ta shpërthejnë kordonin e policisë që të arrijnë në vendin ku ishin tubuar pjesëmarrësit.

Në rrugët e Beogradit janë vendosur forca të shumta policore.

Rrugët kryesore të qytetit janë mbyllur nga ora katër e mëngjesit.

Pritet që në paradë të marrin pjesë rreth 1 mijë vetë.

Organizatat e djathta në Serbi kanë kërkuar ndalimin e tubimit.