Këto ditë në Uashington të Shteteve të Bashkuara të Amerikës, u zhvilluan takimet e vjeshtës të Bankës Botërore dhe të Fondit Monetar Ndërkombëtar, me pjesëmarrjen e zyrtarëve të lartë të financave, të ekonomisë, si dhe guvernatorët e Bankave Qendrore nga vende të ndryshme të botës.

Në këto takime ishte edhe një delegacion i Kosovës, të cilit i printe Ministri i Ekonomisë dhe Financave të Kosovës, Ahmet Shala. “Në tre vitet e ardhshme presim një fluks të fuqishëm investimesh të huaja në Kosovë”, ka thënë kreu i MEF-it, Ahmet Shala.