- Në kuadër të projektit "Modeli për komunikim efikas midis komisioneve për marrëdhënie midis bashkësive dhe qytetarëve" në Gostivar sot u mbajt takim midis anëtarëve të komisionit, përfaqësuesve të sektorit joqeveritar dhe vetëqeverisjes lokale të Gostivarit.

Pas debatit u pomovua edhe zyra e cila do të shfrytëzohet për nevojat e komisionit për marrëdhënie midis bashkësive.

"Zyra tani më po funksionon. Gjatë këtyre ditëve presim të pajiset në tërësi, ndërsa po punojmë edhe në sigurimin e publikimeve, ligjeve dhe materialeve të tjera lidhur me diskriminimin dhe mbrojtjen e të drejtave të njeriut", deklaroi Nita Kaprolli, koordinatore e zyrës.

Komisioni në të cilën marrin pjesë katë këshilltarë do të japë rekomandime për çështjet lidhur me realizimin e të drejtave të grupeve të rrezikuara dhe të komuniteteve.

Projekti "Model për komunikim efikas midis komisioneve pë marrëdhënie midis bashkësive dhe qytetarëve" është financuar nga Bashkimi Evropian dhe zbatohet në katër komuna të Maqedonisë.