Boksieri ukrainas Vladimir Klitschko do të mbrojë titujt e tij të botës në peshën e rëndë (IBF, IBO dhe WBO) më 11 dhjetor kundër britanikut Dereck Chisora. Dueli mes tyre është konfirmuar të mërkurën, përcjellin mediumet britanike.

"Chisora është i ri, i shpejtë dhe ka goditje të fuqishme. Trajneri im Emanuel Steward më ka paralajmëruar për kualitetet e tij dhe më ka përkujtuar për humbjen e vitit 1978 që e pësoi i madhi Muhammad Ali kundër 24-vjeçarit Leon Spinks.

Unë nuk do t'i jap Chisoras asnjë rast", ka thënë Klitschko. Klitschko 34-vjeçar në ringun profesionist ka 55 fitore (49 KO) dhe tri humbje. Kundërshtari i tij Chisora, 26 vjeç, ka fituar 14 duelet e tij në profesionalizëm.