- Bujqit dhe punonjësit turistik nga Gostivari fituan më shumë mundësi për të ardhur deri te të hollat evropiane, pasi që Vetëqeverisja Lokale filloi të ndihmojë në përgatitjen e projekteve të cilat financohen me të holla nga programi IPARD.

"Në thirrjen e parë për shfrytëzim e të hollave evropiane nuk janë paraqitur ndërmarrje dhe bujq nga rajoni ynë. Në thirrjen e dytë, e cila është në rrjedhë, administrata komunale vendosi të ofrojë ndihmë pa pagesë për informimin dhe përgatitjen e propozim-projekteve", thotë Faton Jahja nga zyra për zhvillim ekonomik dhe lokal në komunën e Gostivarit.

Nga Vetëqeverisja Lokale, mendojnë se përkrahja e qytetarëve dhe ndërmarrjeve do të jetë e mirëseardhur, për shkak se procedurat e IPARD-it janë të mëdha dhe duhen paradituri nga ajo sferë.

Me programin IPARD nga thirrja e fundit është paraparë që financiarisht të përkrahen prodhuesit e ushqimit dhe individët dhe ndërmarrjet që duan të marrin pjesë në zhvillimin rural në rajonin e Gostivarit