- Me qëllim që të sigurojë më shumë burime të veta për financimin e institucioneve të Bashkimit Evropian, Komisioni Evropian në kuadër të revizionit të buxhetit të BE-së, propozon edhe mundësi për vendosjen e tatimit të vlerës së shtuar të veten (TVSH).

Qëllimi i propozimit të Komisionit Evropian, i cili duhet të jetë pjesë e debatit për perspektivat e reja financiare të BE-së për periudhën 2014 - 2020, është ulja e kontributeve të vendeve-anëtare në Union. Për momentin 76 për qind e të ardhurave në Buxhetin e BE-së vijnë nga kontributet e vendeve-anëtare.

Sipas Komisionit Evropian, BE gradualisht do të mund të vendos një apo më shumë burime të reja të veta të financimit.

Tani këto burime të veta i përbëjnë doganat, të cilat sigurojnë 12 për qind nga të ardhurat e përgjithshme të Unionit nga TVSH e disa vendeve, nga e cila arrijnë 11 për qind të mjeteve.

Mes mundësive të cilat i përmend Komisioni si burime të reja të veta janë tatimimi i transaksioneve financiare dhe aktiviteteve financiare, ankandet e lejeve emisionit, taksi për aviotransport, tatim energjetik, por edhe tatim të veçantë TVSH të BE-së.