Hugh Hefner ka paralajmëruar se vitin e ardhshëm do të hapë “Playboy Club-in” e ri, 30 vjet pas mbylljes së një klubi të tillë në Londër. Klubi i ri do të hapet në lokacionin londinez Mayfair, brenda të cilit do jetë restoranti, bari dhe kazinoja.

“Kur kemi hapur për herë të parë Playboy Club-in në Londër, kjo ishte një prej periudhave më të preferuara në historinë e markës. Tani, kur Playboy është popullor si kurrë më parë, jam i gëzuar që do të kthehemi në Londër”, ka deklaruar Hugh Hefner.

Klubi londinez, i cili ishte i hapur në të 60-at, ka tërhequr yje të shumtë si Jack Nicholson, Sir Michael Caine dhe George Best. Ishte një prej vendeve më popullore për argëtim të mirë gjatë kësaj kohe dhe shënoi një lloj “epoke të artë” të jetës së klubeve në Londër.

Është mbyllur më 1981, pas marrjes së licencave për lojërat e fatit. Tani në klubin e ri, kamerieret do të jenë si lepurushet e Playboy dhe kamerierët e koktejit, që, siç vlerëson Hefner, do të tërheqin edhe një pjesë të mirë të klienteles së vjetër.