Në një intervistë të fundit për “Irish Times”, producenti i U2, Paul McGuinness, ka deklaruar se albumi i ri mund të paraqitet para majit të vitit të ardhshëm.

“Albumi shumë i përmendur ‘Songs of Ascent’ do të publikohet në fillim të vitit 2011”, ka thënë McGuinness, dhe atë para se grupi të fillojë pjesën amerikane të turneut të tyre 3600.

U2 kthehet në SHBA për një seri koncertesh, që do të fillojnë më 21 maj në Denver të shtetit Colorado.

Para kësaj, bendi do të mbajë dy koncerte në Afrikën e Jugut, që është paraqitja e parë në këtë vend që nga viti 1998. Bendi irlandez planifikon koncerte në Johannesburg dhe Cape Town në shkurt.