Këngëtarja Rovena Stefa e ka shprehur gjithmonë pasionin dhe dashurinë e saj për fotografinë, andaj dhe shpesh herë në profilin e saj në facebook kemi parë albume nga fotografë të njohur, mes të cilëve edhe foto nga i famshmi Fadil Berisha.

Duket se për fotot e këtij të fundit Rovena ka një debulesë të madhe... Prandaj, deri sa të vijë seti i radhës, Rovena ka vendosur që t’i riprodhojë disa herë fotot e Berishës në kompjuter, duke ndryshuar ngjyrën e fustanit me ‘photoshop’...

Duke qenë se kjo gjë nuk është komentuar ende nga fansat, Rovena vijon të publikojë javë për javë një foto të re, në të cilën veç ngjyrës së fustanit ndryshon edhe tualeti i saj, shkruan Balkanweb. Dhjetorin e kaluar këngëtarja Stefa, publikoi kalendarin e saj për vitin 2010, ku bënin pjesë dhe shumë prej fotove të Fadilit.