Në këtë formë studentët kanë kritikuar publikisht fjalorin e Fërçkovskit, i cili nuk i ngjan atij të një presidenti të ardhshëm për të përfaqësuar Maqedoninë.

"Ne të rinjtë e VMRO DPMNE-së kërkojnë nga profesori Fërçkovski që t'iu kërkojë falje anëtarëve të VMRO–DPMNE–së pasi i quajti kopil, t'iu kërkojë falje anëtarëve të LSDM–së që i quan klonë dhe t'iu kërkojë falje të gjithë politikanëve që i ka ofenduar me fjalët e tij fyese gjatë të kaluarës.

Ne studentët mendojmë se profesori Fërçkovski është shumë vulgar për të qenë president", tha Martina Kërstevska, përfaqësuese e Vmro–Dpmne–së.

Nga shtabi zgjedhor i kandidatit për president Lubomir Fërçkovski u kundërpërgjigjën se reagimet e tilla të VMRO–DPMNE–së ushtrojnë presion mbi qytetarët dhe vijnë si pasojë e nervozës.

Ne do të vazhdojmë garën presidenciale me vetëbesimin për fitore duke i kujtuar opinionit e gjerë se është partia në pushtet ajo e që ushtron dhunë ndaj qytetarëve jo vetëm në rrugë por edhe në zyrat e administratës, arsimit, si dhe spitale.

Nga shtabi zgjedhor i Fërçkovskit thonë se bashkëpunimi me opozitën do të vazhdojë me qëllimin për të ndihmuar dhe ndryshuar gjendjen, në të mire të qytetarëve.