Mungesa e dokumenteve të pronësisë për tokën ku janë ndërtuar fabrikat, çmimet e ndryshme për tokën ndërtimore dhe procedurat për kthimin e tyre, por edhe procedurat e mëdha administrative.

Këto janë ankesat më të mëdha të biznesmenëve para përfaqësuesve të Qeverisë që muajin e kaluar i vizituan rreth pesëdhjetë kompani në të gjithë vendin. Siç paralajmëroi sot zëvendëskryeministri, Vladimir Peshevski, planifikohet që vizitohen dhe të anketohen edhe 50 kompanive të tjera të përzgjedhura nga ana e dhomave të tregtisë.

Në to janë përfshirë kompani nga industria dhe sektori i shërbimeve, si dhe ndërmarrjet e vogla, të mesme dhe të mëdha. Sipas Peshevskit qëllimi i këtij aksioni nuk është që të fitohen pikë politike, por që të formohet një pasqyrë më e saktë për gjendjen aktuale në ekonomi.

"Diku kah fundi i muajit kur do të përfundojë vizita në këto kompani do të përgatitet një informacion i përmbledhur në bazë të të cilit do të vendoset për propozime konkrete se çka mund të bëjmë ne Qeveri me qëllim që ta përmirësojmë mjedisin afarist, si rezultat i informacioneve që ne i kemi mbledhur nga kompanitë" tha Vlladimir Peshevski, zëvendëskryeministër për çështje ekonomike