Edhe pse çështja e statusit është lënë mënjanë nga vetë Serbia në bisedimet e ardhshme me Kosovën, ministri i jashtëm rus, del me propozim tjetër. Bisedimet Prishtinë-Beograd duhet të jetë në përputhje me rezolutat e OKB-së.

Gjatë një takimi me homologun malazez, Lavrov tha se problemet mes Serbisë dhe Kosovës mund të zgjidhen vetëm nëpërmjet rezolutës 12-44 të OKB. Rusia sipas tij, mund të kontribuojë në stabilizimin e Ballkanit përmes thirrjeve për mbikëqyrjen e marrëveshjeve aktuale si dhe të drejtës ndërkombëtare.

‘Disa procese të komplikuara po ndodhin në Ballkan, dhe situate në Kosovë është një nga më të vështirat. Pozicioni i Rusisë është se çdo gjë që lidhet me Kosovën duhet zgjidhur në bazë të rezolutës 12-44 të OKB-së, që mbetet në fuqi.

Mendoj se Kontributi kyç i Rusisë në përpjekjet e përbashkëta për stabilizimin e Ballkanit janë thirrjet këmbëngulëse për monitorimin e të drejtës ndërkombëtare dhe marrëveshjeve ekzistuese", tha Sergej Lavrov, ministër i jashtëm i Rusisë.