Kryetari Osmani do të merr pjesë në samitin e 12-të ndërkombëtar për krimin transnacional dedikuar "Qeverisjes publike dhe korporative përballë terrorizmit, krimit të organizuar dhe mungesës së etikës" që do të mbahet prej 27 deri 30 tetor 2010.

Në samitin e radhës, kryetari Osmani shkon me ftesë të Ambasadorit Jean-Paul Carteron, njëherit dhe themelues i "CransMontana Forum". Në këtë samit, pritet që kryetari Osmani të takohet me krerë të shteteve, politikbërës, udhëheqës nga Lindja e Mesme, Evropa dhe Azia që në fakt paraqet një mundësi unike për zgjerim të bashkëpunimit dhe sjellje të investimeve nga jashtë.

Më herët prof.dr. Rufi Osmani ishte panelist në "CransMontana Forum" në Tiranë ku u prezantua me temën “Sfidat bashkëkohore të konceptit për zhvillim të qëndrueshëm”. Ai bëri një analizë të Strategjisë për zhvillim të qëndrueshëm në vendet e Ballkanit, me theks të veçantë për hapësirat e Kosovës, Maqedonisë dhe Shqipërisë.