Ministri i Pushtetit Lokal Musa Xhaferi sot do të marrë pjesë në sesionin e 19-të të Kongresit të autoriteteve lokale dhe rajonale, i cili mbahet në Strasburg.

Ashtu siç paralajmëroi Ministraia e Pushtetit Lokal, në sesion, Xhaferi do të marrë pjesë në emër të Kryesisë maqedonase të Komitetit të ministrave të Këshillit të Evropës.

Në fjalimin e tij Xhaferi do t'i prezantojë pikëpamjet e Komitetit të ministrave të Këshillit të Evropës në lidhje me bashkëpunimin e tanishëm dhe të ardhshëm me Kongresin e autoriteteve lokale dhe rajonale, poashtu do të përqëndrohet edhe në përparimin e reformave të pushtetit lokal në Republikën e Maqedonisë.