Microsoft bën më shumë para, ndërsa Apple vlen më shumë në tregjet financiare, mirëpo kur flasim për trafikun në internet ka vetëm një emër, Google.

Këto të dhëna janë gjetur në analizën e bërë nga Arbor Networks e cila ka përdorur sistemin e saj Atlas, i cili të dhënat i ka gjeneruar nga raportet e ngjashme të motorëve të kërkimit vitin e kaluar duke matur dhe pozitën e tyre dominante në trafikun e internetit.

Në qershor 2007 pjesëmarrja e Google në trafikun global ka qenë diku mes 1 dhe 2.5 për qind, ndërsa vitin e kaluar kjo shifër është ngritur prej 5 deri në 10 për qind.

Shifrat e fundit të raportit të Arbor thonë se tanimë numrat e Google kanë arritur në 6.4 për qind, ndërsa nëse llogarisim edhe Google Global Cache ky numër shkon deri në 12 për qind.