Shumë ekipe shkencore në pjesë të ndryshme të botës po studiojnë ndikimin e sojës te tumoret në forma të ndryshme. Mendimet e profesionistëve janë të ndara, sepse hulumtimet kanë dhënë rezultate të ndryshme.

Megjithatë, në saje të rezultateve të disa hulumtimeve, mund të thuhet se soja ndihmon në parandalimin e kancerit të prostatës dhe të gjinjve, dy sëmundje të rënda, të cilat në vendet perëndimore po marrin numër të madh jetësh.

Studimet më të reja tregojnë për ndikimin pozitiv të sojës në pjellshmërinë e grave, sidomos të atyre që po provojnë frytshmërinë ‘in vitro’. Profesionistët thonë se izoflavonet e sojës lehtësojnë bartjen e embrionit në barkun e nënës dhe rrisin mundësinë e rrjedhjes normale të shtatzënësisë.

Disa studime kanë vërtetuar ndikimin e sojës në sëmundjen e sheqerit të tipit 2, sipas rezultateve të hulumtimeve. Soja zmadhon ndjeshmërinë e indit në ndikimin e insulinës. Veç kësaj, disa shkencëtarë dëshmojnë se soja ndihmon shërimin e veshkës së sëmurë dhe të ndezjes së prostatës.