Të pesë të burgosurit në burgun e Guantanamos, të cilët akuzohen për përgatitjen e sulmeve terroriste të 11 shtatorit, kanë paraqitur një dokument, përmes së cilit ata shprehin krenari për kryerjen me sukses të sulmeve dhe pranojnë përgjegjësinë për vdekjen e afro 3 000 personave në Shtetet e Bashkuara të Amerikës në vitin 2001, njoftoi sot gazeta "Nju Jork Tajms".

Dokumenti i përshkruan pesë personat e akuzuar si "Këshilli i të Urtëve të 11 Shtatorit" dhe thekson se aktet e tyre ishin një sakrificë për Zotin. Dokumenti u paraqit në emër të pesë personave, ndër to edhe Khalid Sheik Muhamed, i cili e konsideron veten si organizatori i sulmeve terroriste të 11 shtatorit.

Motivet e paraqitjes së dokumentit të ri, që sipas njoftimit të gazetës ishte dërguar në gjykatë që më 5 mars, mbeten ende të paqarta.