Bashkimi Evropian po heton se pse paratë nga fondi i saj për zhvillim vitin e kaluar janë përdorë për organizimin e koncertit të Elton Johnit në Itali, në kohën kur anëtarët e BE-së për shkak të krizës ekonomike kishin vendosur masat e kursimit.

Përfaqësuesi për shtyp i BE-së, Tom van Lirop, deklaroi se Komisioni i BE-së dëshiron “që sa më parë të di” se pse autoritetet lokale i kanë përdorë paratë e ndara për rimëkëmbjen ekonomike të vendeve të varfra të BE-së për organizimin e koncertit të Johnit.

Elton John në shtator të vitit 2009 u paraqit para mijëra njerëzve në qendër të Napolit në kuadër të festivalit “Piedigrotta”, të organizuar nga autoritetet lokale.