Të hënën në San Francisko fillon konferenca treditore, në të cilën do të marrin pjesë të gjithë ata që dinë diçka për uebin, në të cilën siç thuhet, Facebook do të prezantojë ueb mailin, i cili mund të jetë konkurrencë e madhe për Gmail-in, Yahoo mail dhe Hotmailin.

Të gjithë 500 milionë përdoruesit e Facebook-ut kanë mundësinë të fillojnë me përdorimin e adresës "...@facebook.com”, ka njoftuar TechCrunch, që ka vendosur titullin “Vrasësi i Gmail-it arrin të hënën”.

TechCrunch citon burime të afërta me projektin e fshehtë të Facebook-ut, që quhet “Projekti Titan”, për të cilin informatat e para kanë rrjedhur në fillim të këtij viti.

Zëdhënësi i Facebook-ut nuk ka komentuar pyetjen në e-mailin e Facebook-ut.