Aktori britanik Russell Brand, i cili javë më parë është martuar me këngëtaren Katy Perry, ka deklaruar se gruaja e tij e re tashmë ka filluar t’i japë urdhra dhe nuk mund të besojë se ajo po e bën këtë.

“Nëse ajo thotë mos e vish atë bluzë, unë nuk e veshi”, ka rrëfyer Russell gjatë një interviste.

Pas kësaj, ai e ka shkopsitur këmishën e tij dhe ua ka treguar gjoksin e tij me qime publikut dhe kamerave dhe pastaj ka shtuar: “vetëm Zoti e di se çfarë do të më bëj ajo nëse e merr vesh që e kam bërë këtë”.

Duket se Brand duhet të heq dorë nga stili i shfrenuar i të jetuarit dhe aferat me femra tjera, pasi Katy nuk do t’i toleroj ato.