Ish-presidenti amerikan, Bill Clinton, pas karrierës së suksesshme politike, ka vendosur të provojë ujërat e aktrimit, duke iu bashkuar fundjavën e kaluar ekipit të komedisë “The Hangover 2”, ku ka një rol dytësor.

Clinton, i cili për shkak të xhirimeve iu desh të udhëtojë në Tajlandë, në këtë komedi do të luajë vete, ndërsa qëndrimin e tij në Bangkok e shfrytëzoi për të ligjëruar për burimet e energjisë së pastër. Në pjesën e parë të komedisë së suksesshme të Toh Philipsit mysafir ishte ish ylli i boksit Mike Tyson, ndërsa flitet se në vazhdim përveç Bill Clintonit, në role dytësore do të paraqiten Mel Gibson me Liam Neeson.