Zëvendësministri dhe ministri i Financave, Zoran Stavreski, guvernatori i Bankës Popullore, Petar Goshev dhe shefi i Misionit të Fondit Monetar Ndërkombëtar (FMN), Ves Mekgru sot do ta publikojnë verdiktin e bisedimeve dyjavore që i zhvilluan gjatë vizitës së rregullt të FMN-së në Maqedoni.

Autoritetet financiare të Maqedonisë dhe përfaqësuesit e FMN-së biseduan për kredinë e hapur të cilin Fondi ia ofroi Maqedonisë në vlerë prej 400 milionë eurosh, për projeksionet buxhetore për vitin e ardhshëm, si dhe për planet afatmesme.

Linja e hapur kreditore e pakushtëzuar Maqedonisë i është ofruar gjatë Asamblesë vjetore të FMN-së dhe Bankës Botërore në Uashington, sipas deklaratave të atëhershme të përfaqësuesve zyrtarë, me shkallë të volitshme të kamatës prej 1,3 për qind në vit.

Linja e hapur kreditore është instrument i ri i FMN-së, i cili ka për qëllim t'u ndihmojë vendeve me politika të shëndosha ekonomike për përballje më të lehtë me krizën. Maqedonia është vendi i parë me të cilin Fondi bisedon për këtë instrument të ri.