Pa marrë parasysh se sa shofer i mirë jeni, do t’ju rikujtojmë se çka assesi nuk guxoni të bëni kur jeni në automobil. Edhe pse ligji është shkronjë në letër, disa rregulla edhe vetë duhet t’i respektoni në mënyrë që vozitja të jetë e sigurt. Rregulla themelore është që gjatë vozitjes duhet të jeni të përqendruar vetëm në vozitje. Nëse dikush ju thërret apo duhet të bëni diçka-ndaluni pa menduar fare. Derisa mos të arrini në parking apo në vendpushim, shmangni të bëni çdo gjë tjetër përveç të vozisni automobilin tuaj.

Pa ushqim në timon

Është plotësisht e gabuar që të hani gjatë vozitjes. Vëmendja juaj atëherë duhet të përqendrohet në rrugë, dhe jo në ushqim.

DVD

Ekranet në automobil duhet të gjenden kryesisht në vendet ku gjenden ulëset e pasme. Sytë tuaj duhet të jenë të drejtuar në rrugë 100 për qind. Pamjet dhe tingujt nuk duhet t’ju pengojnë dhe hutojnë.

Muzika, jo me volum të lartë

Ndërrimi i radiostacioneve dhe “shfletimi” i CD-së është njëri ndër problemet më të mëdha gjatë vozitjes. Muzikën përzgjidheni në fillim të vozitjes dhe ndaluni gjithmonë kur të bëni ndonjë përzgjedhja muzikore, apo kur e ndërroni radiostacionin.

Ndihma e mikut

Kurrë mos i ndërroni rrobat derisa jeni duke vozitur. Nëse nuk jeni vetëm, le t’ua ofrojë bashkudhëtari syzet, t’ju ndihmojë ta hiqni xhaketën, apo gjëra të ngjashme. Momenti i mospërqendrimit, hutimit, mund të jetë fatal.

Pije vetëm para shankut

Rreptësisht është e ndaluar të pini alkool para ose gjatë vozitjes, pasi që në këtë mënyrë e rrezikoni shëndetin tuaj, por edhe sigurinë e bashkudhëtarëve dhe pjesëmarrësve tjerë në komunikacion. Nëse dëshironi të freskoheni, pini pak ujë apo ndonjë lëng. Më së miri është që pijen ta mbani në vendin e veçantë, dhe i cili nuk do t’ua largojnë shumë përqendrimin.

Grindja vetëm ndërmjet katër syve

Nëse grindeni derisa jeni duke vozitur, pa “dashje” do të rrisni shpejtësinë, dhe në të njëjtën kohë do t’ju bie përqendrimi. Grindjen me fëmijët, bashkëshortin-en apo me kolegët e punës, lëni për ndonjë vend më të përshtatshëm.