E mërkurë, 26.11.2014
Impresum - Marketing - Arkiva - Kontakt

Yll Press

TETOVË, 8 TETOR - Para studentëve të Fakultetit të mjekësisë, udhëheqësisë së Universitetit Shtetëror të Tetovës, prorektori i Universitetit Mjekësor të Gracit, prof. dr. Gilbert Reibnegger
Universiteti i Gracit pėrkrah Mjekėsinė e USHT-sė
përmes një prezantimi vizuel paraqiti të dhëna mbi Universitetin Mjekësor të Gracit, historikun, programet e studimit, planprogramet e aplikuara, metodat e studimit dhe hulumtimit, mjetet dhe hapësirat, programet dhe projektet ndërkombëtare, programet e shkëmbimit të studentëve, përkrahja akademike dhe financiare për studentët etj.

Universiteti Mjekësor i Gracit në përbërjen e tij përmban 14 institute paraklinike, 23 departamente klinike, me mbi 800 profesorë të rregulltë e 200 viziting profesorë, ku mbi 80% e tyre janë të angazhuar edhe si punonjës në klinikën universitare. Ofron studime deridiplomike, studime të magjistraturës dhe doktoraturës në mjekësi humane, stomatologji dhe infermieri. Numri i studentëve që studiojnë në UMG është mbi 4500, ndërsa çdo vit akademik vetëm në mjekësi humane dhe stomatologji pranohen 360 deri 400 studentë të rinj.

Graci, qyteti në juglindje të Austrisë, me 250.000 banorë është qendër e 4 universiteteve, përfshirë këtu edhe Universitetin Mjekësor të Gracit, me mbi 40.000 studentë. Universiteti Mjekësor i Gracit si institucion më i lartë arsimor është relativisht i ri, është themeluar në vitin 2004, megjithatë ka një historik të mahnitshëm, është themeluar në vitin 1863 dhe ka funksionuar si fakultet pranë Universitetit të Gracit, i cili ka një historik që daton nga viti 1585. Është një nga universitetet që më së shumti i ka dhënë kontribut shkencave mjekësore, e për këtë tregon fakti që nga universiteti 4 profesorë e hulumtues kanë marrë çmimin Nobël për mjekësi.

Prorektori i UMG-së, prof. Gilber Reibnegger dhe Rektori i USHT-së në një bisedë pune kanë përfunduar me detajet e realizimit të më shumë pikave të bashkëpunimit, ndër të cilat parashihen shkëmbim studentësh, realizimin e pjesës praktike për studentët e USHT-së, për lëndën e anatomisë në Grac, viziting profesorë nga Graci në Tetovë për lëndët e anatomisë, histologjisë, kimisë, biologjisë dhe fizikës, si realizimin e një shkolle verore të përbashkët në Grac, të gjitha brenda këtij viti akademik.

Prorektori Reibnegger në emër të Universitetit mjekësor të Gracit shprehu gatishmërinë për realizimin e këtyre objektivave. ”Unë kam kënaqësinë që të bashkëpunoj me Universitetin Shtetëror të Tetovës. Ne tani kemi më shumë se një vit që kemi filluar bisedimet dhe bashkëpunimin. Tani është koha e finalizimit të projekteve të përbashkëta. Ne ndjejmë kënaqësinë t’i ofrojmë eksperiencën tonë studentëve të USHT-së” u shpreh prorektori Reibnegger. Ndërkaq, rektori i USHT-së, prof. dr. Sadi Bexheti shprehu falënderime për përkrahjen që jep Universiteti Mjekësor i Gracit. “Ne jemi mirënjohës për ndihmën që ofron Universiteti Mjekësor i Gracit. Si një nga qendrat më të avancuara mjekësore në Evropë, për Fakultetin e Shkencave të Mjekësisë së USHT-së, kjo është një përparësi dhe eksperiencë e pazëvendësueshme, sidomos duke marrë parasysh se ne për herë të parë ofrojmë studime nga fusha e mjekësisë në Universitetin tonë.” u shpreh rektori Bexheti.

USHT dhe Fakulteti i mjekësisë ndërkohë kanë nënshkruar edhe marrëveshje të tjera të bashkëpunimit me më shumë qendra hulumtues evropiane nga fusha e mjekësisë, si me Universitetin Goethe të Frankfurtit, Universitetin e Thrakisë, Universitetin Haxhitepe, Universitetin e Mariborit, Universitetin e Lublanës dhe të Zagrebit, si dhe me qendrat regjionale të Shkupit, Tiranës e Prishtinës.

Publikuar: 11.10.2008 | 11:43
Lexuar: 2764 herė
Printo PDF format Shto nė,..

Komentet
gentiana (08/04/2011 15:34:27) shqiptar
valmire (13/04/2011 15:10:14) Shpresojmė se keto bashkpunime tė na sherbejn ne studenteve tė UP-Prishtinės-,veqanerisht nė studime tė magjistraturės .

Me respekt Valmire Voca

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime