Duket se motrat Kardashian kanë mënyra të shumta me të cilat e tërheqin vëmendjen e medieve dhe opinionit. Më e fundit vjen nga Chloe Kardashian, e cila ka zbuluar se qysh në moshën 14-vjeçe e ka humbur virgjërinë.

Bukuroshja 26-vjeçe, e cila tani është e martuar me yllin e basketbollit Lamar Odom, e pranon se kishte gënjyer për moshën e saj kur ishte takuar me këtë mashkull misterioz, me të cilin kishte marrëdhënie seksuale në mënyrë të fshehtë.

Ajo ka rrëfyer se ia vidhte veturën njerkut të saj apo të ëmës, për t’u takuar me këtë njeri. Në librin autobiografik të cilin e ka shkruar me motrat e saj Kimjin dhe Kourtney, “Kardashian Konfidential”, ajo ka shkruar: “Ky djalosh ishte tejet manipulues dhe kam përfunduar me humbjen e virgjërisë me të kur isha vetëm 14-vjeçe.

Kur babai im e kishte marrë vesh se po bëja seks, ishte tërbuar fare. Isha mësuar t’ia vidhja veturën nënës ose njerkut tim dhe shkoja në shtëpinë e këtij djaloshi. Ai ishte më i moshuar se unë, por natyrisht se më gënjente se ishte më i ri.

Edhe unë gënjeja dhe i thosha se isha 16-vjeçe. Shkolla më ecte mjaft mirë, përderisa e kam takuar atë”. Ajo vetëm tani e ka kuptuar se ishte e gabuar të humbiste virgjërinë në atë moshë.