Albana Allushi


Tronditet Gjirokastra, nga një tërmet 3.7 ballë. Epiqendra, në fshatin Kardhiq


Gjirokastra, përfshihet nga lëkundjet e tërmetit. Mesditën e së hënës, janë ndjerë lëkundje të forta tërmeti jo vetëm në qytet. Mjaft banorë e qytetarë, për disa minuta kanë lënë banesat, godinat dhe objektet ku ndodheshin dhe kanë dal në rrugë. Fatmiresisht nuk ka njoftime në njerëz apo për dëme materiale.

Epiqendra e tërmetit është regjistruar 10 kilometra në veriperëndim të qytetit, në fshatin Kardhiq. Lëkundjet janë shenuar në orën 12:18 minuta ndërsa forca e tij ka qenë 3.7 ballë e shkallës Rihter dhe me një thellësi prej 1 km.

Kohëzgjatja e tërmetit ka qene 2-3 sekonda, në qytetet, ndërsa banorë të zoëns së Kardhiqit tregojnë se, “pas lëkundjes së parë e cila ka qënë dhe më e forta, kanë ndier edhe 5-6 lëkundje te tjera të cilat kanë qënë të një shkalle më të ulët”.

Lëkundjet në zonën e epiqendrës, të cilat zgjatën 5 minuta, kanë tmerruar 200 banorë të zonës. Sipas Institutit Sizmiologjik tërmeti mund konsiderohet normal, ndërsa të gjithë ata që ndien lëkundjet jane shprehur, “se një situatë të tilla nuk e kishin përjetuar prej vitesh”.

Lekundjet e fundit sizmike në Gjirokastër u regjistrua më 19 shtator të vitit të kaluar. Termeti ishte me forcën 4,4 ballë të shkallës Rihter, dhe lekundjet u ndien edhe ne rrethet e Përmetit dhe Tepelenës. Gjirokastra njihet si një zonë me profil të qëndrueshem tektonik dhe gjatë 60 viteve nuk ka pasur dëme në njerez apo në materiale.