Sipas njoftimeve të policisë, mbrëmë, rreth orës 22, në lagjen “Velani”, përkatësisht në rrugën ,,Edmond Hoxha", në Prishtinë, është vrarë me armë zjarri një person, rreth 30-vjeçar.

Lidhur me këtë vrasje, për të cilën policia nuk jep detaje, është arrestuar një person, pasi që dyshohet se ai ka shtënë me armë zjarrit në drejtim të viktimës.

Me këtë rast edhe një person është plagosur.

Nga i dyshuari është konfiskuar një arme dhe është bastisur shtëpia e tij. Trupi i pa jetë me urdhër të prokurorit dhe mjekut ligjor është dërguar për obduksion. I dyshuari pas intervistës me urdhër të prokurorit dërgohet në mbajtje.