“Në Milan mbizotëron shpirti brazilian, prandaj është e pamundur të mos jesh i lumtur këtu. Do të qëndroj në fanellën kuqezi në dhjetë vitet e ardhshme. Futbolli është pasioni im, kurse duke iu falënderuar Milanit unë sërish jam i lumtur”, ka thënë Robinjo, duke shtuar: “Edhe bashkëshortja ime është e lumtur këtu. Më nuk do të transferohem diku tjetër. Jam në pritje të fëmijës së dytë, i cili do të lind në mars. Sërish do të jetë djalë.

Për emër do të vendos më vonë”. Braziliani është shprehur tejet i lumtur që është pjesë e klubit nga “San Siro”. “Milani paraqet një mundësi të madhe për mua në karrierë, një rast të cilin nuk dëshiroj ta lëshoj. E njoh veten, e di çfarë jam dhe jam i vetëdijshëm se nëse jam i përgatitur fizikisht dhe me ndjenjën se jam në shtëpi, mund të shfaqë nivelin tim më të mirë, kurse Milani është vend ideal për këtë”, ka përfunduar Robinjo.