Një shofer kamioni, i cili transportonte mallra në rrugë ndërkombëtare, vendosi në kamionin e tij një antenë satelitore.

Në pikën kufitare Kapikule (në kufirin Turqi-Bullgari) dallohej një antenë satelitore e vendosur në një kamion, shoferi i të cilit priste në radhën e gjatë të makinave të kalonte kufirin.

Shoferët e kamionëve, të cilët dalin shpesh jashtë vendit, herë-herë janë të detyruar të presin në radhë të gjata të krijuara në pikat kufitare, shkruan gazeta elektronike Start.

Duke pritur me orë të tëra në rrugë, shoferët kalojnë kohën duke biseduar me njëri-tjetrin. Por, shoferi i këtij kamioni duket sikur nuk dëshiron të bëjë shumë muhabet me kolegët e tij, andaj ka vendosur një antenë satelitore për ta kaluar kohën me programe të preferuara televizive.