Volejboll: Java e shtatë në kategorinë e meshkujve dhe femrave















Të shtunën do të zhvillohen ndeshjet e javës së shtatë të sezonit vjeshtor të kampionatit republikan të volejbollit për meshkuj dhe femra. Dy skuadrat tetovare Shkëndija dhe Liria e Zherovjanit do të përballen me ekipin Mavis të Shtipit gjegjësisht Xhio të Strumicës.
Shkëndija e Tetovës pas tre fitoreve radhazi të shtunën në orën 18.30 në sallën e shkolëssë mese të mjekësisë do të ballafaqohet me ekipin e Shtipi Mavis. Realisht vendasit janë favorit absolut dhe çdo rezultat tjetër pos fitores maksimale do të ishte befasi e llojit të vetë. “ Fitoret kundër ekipeve Xhio dhe kjo e fundit kundër Vardarit kanë kthyer në tërësi vetëbesimin në ekip. Mendoj se kundër ekipit nga Shtipi jo që do të fitojmë me rezultat maksimal por edhe do të luajmë për tifozët lojë ekzebicionale” tha volejbollisti Mensur Hamzai.
Ndeshja Shkëndija – Mavis do të zhvillohet të shtunën me fillim në orën 18.30
Liria e Zherovjanit të shtunë është mysafire e ekipit Xhio në Strumicë dhe ky është jë rast i radhës për volejbollistë e ri të fitojnë përvojë , pasi fitorja për ekipin Liria është vetëm një dëshirë që ka shumë pak gjasa të realizohet.
Java e 7-të kategoria e meshkujve: Bezbednosti – Sinalko, Xhio – Liria e shtunë 15,30, Shkëndija – Mavis ( e shtunë në orën 18.30), Kumanova – Vardari, Boreci Brako e lirë
Java e 7-të kategoria e vajzave: Universiti G.Dellçev – Vardari, Makedonija Maks- Boreci Brako, Forshpedi – Luboteni, Janta Volej – Forca Volej dhe Bamikori – Krusheva 06 G.Teks