Kollitja e zgjatur mund të paralajmërojë sëmundjet kronike, sëmundjet e mushkërive e madje edhe kancerin, tregon hulumtimi më i ri i farmaceutëve britanikë.

Zbulimi i hershëm i sëmundjes dukshëm rrit shanset për shërim, kështu që është e rëndësishme në rast të kollitjes së zgjatur t’i drejtoheni mjekut. Në këtë pjesë të vitit miliona njerëz kanë problem me frymëmarrjen, nga të cilat shumica janë shkaktuar nga infeksionet.

“Kollitja e cila zgjat disa javë, së bashku me lodhjen, meritojnë tretman shumë më të madh sesa vetëm medikamente kundër kollitjes. Nëse ndiheni të lodhur dhe pa frymë apo u mungon energjia, pyeteni mjekun tuaj për këshillë, në vend që vetë diçka të blini”, tha farmaceuti Graham Phillips.

Vetëm një e treta e të hulumtuarve e kanë lidhur kollitjen me paraqitjen e kancerit të mushkërive, ndërsa 11% thanë se janë kujdesur vazhdimisht për kollitjen, tregoi hulumtimi i “Roy Castle Lung Cancer Foundation”.