Në fshatin Rashçe filluan punimet për ndërtimin e kanalizimeve të ujrave të zeza. Parashikohet ndërtimi i një tubacioni 300 metërsh, në vlerë prej 3 milionë denaresh. Me këtë rast, fshatin e vizituan edhe zv/kryeministri Abdilaqim Ademi dhe ministri i mjedisit Nexhati Jakupi. Ky dikaster ka akorduar në ndihmë të fazës së parë të projektin, 5000 euro.

“Të zgjidhim një problem real të përditshëm të qytetarëve të Rashçes dhe vendbanimeve të tjera që kalojnë. Është në gjatësi prej 300 metrash. I gjithë projekti deri në përfundim kushton 3 milion denarë dhe shpresojmë se shumë shpejt do ta kryejmë edhe pse është në faza” tha Blerim Bexheti, kryetar i komunës së Sarajit

“Për Rashçen kjo punë është shumë e madhe se vuaj katundart e Rashces sën them ma shumë ama me vjet e vujn këtë punë që bëhet sot” tha një banor.

“Për fat nuk ka sëmundje, por mendohet se me të vërtet ky ujë është fekal dhe mund të ndodhe ndonjë sëmundje, prandaj mirë e kanë bë që e zgjidhin këtë problem me ndihmat e komunës dhe tonën” tha një banor.

Banorët e Rashçe prej 35 vjetësh ballafaqohen me mungesën e menaxhimit të ujërave të zeza që rrezikon përhapjen e sëmundjeve dhe epidemive