Aktori dhe regjisori, Clint Eastwood, beson që jeta nuk ofron shumë shanse dhe se për këtë arsye duhet shfrytëzuar të gjitha që u ofrohen. 80-vjeçari mendon se ata që besojnë në riinkarnim, pa lidhje humbin kohë në vend që të bëjnë diçka në momentin aktual.

“Besoj që në jetë fiton vetëm një shans të vërtetë dhe duhet të mundohesh me tërë forcat që maksimalisht ta shfrytëzosh, dhe duhet të jesh falënderues për rastin e ofruar.

Përveç tjerash, nuk guxon që të jesh shumë lakmitar dhe të dëshirosh që shumë gjatë të qëndrosh në këtë botë”, tha legjenda hollivudiane e filmit.