Walter Zenga pritet të rikthehet te skuadra e Interit, tani si trajner për të zëvendësuar spanjollin Rafael Benitez, shkruan të hënën gazeta italiane "La Gazzetta dello Sport".

Benitez pritet të shkarkohet gjatë këtij muaji. Zenga aktualisht është në krye të skuadrës arabe Al Nassr.

Zenga edhe më herët ka qenë trajner në Serie A. Në edicionin e shkuar ka udhëhequr ekipet si Palermo e Catania. Zenga për plot 12 vjet ishte portier i Interit. Benitez ka kontratë me Interin deri në vitin 2013.