Drejtori i panairit të Shkupit, Janez Sajovic, deklaroi se është i befasuar nga interesimi i lartë i kompanive për pjesëmarrje në panair. Sipas tij, vetëm interesimi i kompanive vendase është rritur me 20 %, ndërsa rritje shënon edhe pjesëmarrja e kompanive sllovene.


“Praktikisht është përfshirë gjithë hapësira e panairit. Kjo për kolektivin tonë të vogël nënkupton besim të madh dhe motivim shtesë për organizimin e panaireve të ardhshëm”, thotë Janez Sajovic, drejtor i Panairit.

“Më gëzon fakti se në kohë të krizës globale financiare më tepër se 150 kompani sllovene kanë vendosur të marrin pjesë në panairin e mobilieve”, thotë Slobodan Sheshum, atashe ekonomik i ambasadës sllovene në Shkup.

Drejtuesit e panairit, e komentojnë mungesën e kompanive nga Shqipëria, me fokusimin e tyre drejt tregut italian dhe Evropian. Panairi “Mebel 2009” për herë të parë si shtet partner do të ketë Slloveninë./alsat-m/