Adhuruesit e mbretit të ndjerë të pop-it po përpiqen të parandalojnë “Discovery Channel”-in të shfaqë filmin dokumentar për autopsinë e Michael Jackson-it, pasi tërë këtë punë e konsiderojnë si “sulm ndaj dinjitetit njerëzor”.

Deri më tani janë mbledhur 1500 nënshkrime në peticionin për parandalimin e filmit më titullin “Autopsia e Michael Jackson-it”, njofton “TMZ”, në të cilën film autopsia e tij do të paraqitej në detaje.

Jo vetëm që dokumentarin e konsiderojnë si sulm ndaj dinjitetit njerëzor, por potencojnë se raportimi i këtij tipi “sensacional” është i paskrupullt dhe mund vetëm të sjell dëm për të gjithë. Përndryshe, filmi në fjalë është paralajmëruar që të shfaqet në Britaninë e Madhe më 13 janar.