Futbollistët e Manchester United-it rrëmbyen kreun e tabelës së klasifikimit pas fitores minimale në “Old Traford” me rezultat 1:0 në ballafaqim me Arsenalin, në ndeshjen e javës së 18-të të Premier Ligës. Në minutën e 41-të Nani për mrekulli asistoi deri të J. Park, i cili me dinakëri shënoi për epërsinë 1:0 dhe ky gol ishte edhe vendimtar që të fitojnë ndeshjen kryesore. Trajneri i Manchester United, Alex Ferguson sigurisht se ishte më i gëzuari për këtë fitore të artë në përballje me “topxhinjtë”, të cilët lëshuan kreun e tabelës.

Rooney së bashku me futbollistë të tjerë premtojnë në ndeshjet e ardhshme lojëra edhe më të mira dhe të ruajnë kreun e tabelës. Manchester United udhëheq kreun e tabelës me 35 pikë, duke e lënë pas vete Arsenalin me 32 pikë.