Carlos Tevez iu është rikthyer stërvitjeve në Manchester City, pas spekulimeve në lidhje me të ardhmen e tij nën dyshime.

Argjentinasi është kthyer në bazën e klubit në Carrington pas katër ditë pushimi në Tenerife.

Ai i është nënshtruar një sesioni të lehtë stërvitjeje të martën në mbrëmje, derisa synon që të rifitojë vendin e tij në skuadër.

Tevez ishte detyruar që të qëndrojë në stolin rezervë në fitoren ndaj West Hamit të shtunën e kaluar për shkak të suspendimit dhe i ishte dhënë leja që të bënte një pushim të vogël në mes të stinorit.

Megjithatë, pak pas fitores ndaj “Çekanëve”, shpërtheu lajmi se kapiteni i Cityt kishte dorëzuar kërkesën e tij me shkrim për t’u larguar nga “Eastlands” në janar. Mirëpo, City reagoi shpejt në refuzimin e kësaj kërkese.