– Ekspertë vendas dhe ndërkombëtar të policisë do të ndajnë praktikat më të mira dhe do të diskutojnë mënyrat për parandalimin dhe luftimin e korrupsionit në polici gjatë një konferencë rajonale të përkrahur nga OSBE, e cila filloi sot në Mavrovë.

Konferenca dy-ditore është organizuar bashkërisht nga Misioni vëzhgues i OSBE-së në Shkup, Ministria e punëve të brendshme dhe Programi ndërkombëtar i SHBA-së për trajnim lidhur me hetimet kriminale (ICITAP).

"Kjo ngjarje është pjesë e punës së Misionit vëzhgues të OSBE-së që ka për qëllim përmirësimin e aftësive profesionale të nëpunësve policor dhe inkurajimin e zhvillimit të mëtejmë të mekanizmave ekzistues për luftën kundër korrupsionit në polici në mënyrë transparente dhe demokratike," tha shefi i Misionit vëzhgues të OSBE-së në Shkup, ambasadori Jose Luis Herrero.

Ministrja e Brendshme Gordana Jankulloska shtoi: "Eksperienca dhe opinionet që do të dalin nga kjo konferencë do të kontribuojnë në luftën kundër korrupsionit dhe do të ndihmojnë në përforcimin e sjelljes dhe punës profesionale në institucionet policore."

Misioni i OSBE-së në Shkup nëpërmjet Departamentit për sundimin ligjit gjithashtu mbështet përpjekjet në nivel kombëtar për themelimin dhe funksionimin e plotë të mekanizmave të jashtëm për mbikëqyrje të policisë.