Kryeministri i Shqipërisë, Sali Berisha, pritet ta vizitojë Kosovën deri në fund të muajit prill.

Radio Televizioni i Kosovës, duke u thirrur në burime në Tiranë, ka raportuar të dielën se gjatë qëndrimit në vendin tonë Kryeministri Berisha do të ketë takime me liderët e lartë të shtetit: Presidentin Fatmir Sejdiu, Kryeministrin Hashim Thaçi si dhe me përfaqësuesit e EULEX’it dhe zyrtarët e ICO’së.

Gjatë kësaj vizite kryeministrat e dy vendeve të Shqipërisë e Kosovës do të nënshkruajnë dy marrëveshje ndërshtetërore.

Në vizitën e fundit në Kosovë, Kryeministri Sali Berisha kishte pasur njërën ndër pritjet më të mira dhe më masive të kosovarëve që nga vizitat e famshme të liderëve botërorë pas luftës. Express