- Kuvendi i Republikës së Maqedonisë sotë do ta mbajë seancën e 132-të në të cilën do të shënohet 1.100 vjetori nga vdekjes së Shën Naumit të Ohrit.

Deputetët pastaj, në kuadër të seancës së 128-të, do të duhet të prononcohen për Propozim-ligjin për ndryshim dhe plotësim të Ligjit për organizim dhe punë të organeve të administratës shtetërore, me procedurë të shkurtër, i parashtruar nga Zoran Petreski, Ilija Kitanoski, Tahir Hani, Ilija Dimovski, Aleksandar Nikollosko dhe Vasko Shutarov.

Është paraparë që pasdite Kuvendi ta vazhdojë edhe seancën e 127-të me debat për propozim ndryshimet dhe plotësimet e Ligjit për nëpunës shtetërorë, me procedurë të shkurtuar, si dhe seancën e 123-të në rend dite të së cilit janë Raporti për punën financiare të Ndërmarrjes publike Radotelevizioni i Maqedonisë në vitin 2009 dhe Plani financiar për punën e rregullt të Ndërmarrje publike Radiotelevizioni i Maqedonisë për vitin 2010.