Presidenti amerikan, Barack Obama dhe homologu i tij rus, Dmitri Medvedev, kanë diskutuar miratimin nga Senati Amerikan të paktit për kontrollin e armatimit bërthamor.

Pakti u nënshkrua nga dy presidentët në pranverën e këtij viti në Pragë. Shtëpia e Bardhë pret që “START 2” do të thellojë raportet midis dy vendeve. Kremlini, nga ana tjetër, ka shprehur besimin se parlamenti rus do ta miratojë paktin. Debati rreth marrëveshjes në fjalë në Duman ruse fillon sot.

Disa parlamentarë rusë kanë kërkuar më shumë kohë në dispozicion për të analizuar kushtet, me të cilat u miratua pakti nga Senati Amerikan.