Me përkrahje të asociacionit HERA dhe në bashkëpunim me përgjegjësen për mbrojtjen shëndetësore, sociale dhe barazi gjinore znj. Nora Taravari si dhe ligjërueses Majlinda Ademi sot në sallën e këshillit komunal në prezencë të mbi 100 nxënësve nga të gjitha shkollat e mesme të komunës së Gostivarit u mbajt prezantim dhe ligjërim për preventivën nga sëmundjet transmetuese seksuale.

Prezantimi i cili organizohet në kuadër të projektit "Dashuri e shëndoshë për rini të shëndoshë" i cili tashmë zgjatën që prej muajit Maj 2010 se pari mbuloi aspektin ligjërues të kësaj teme ndërsa përfundoi me transmetimin e materialit audiovizuel ku trajtohej tema e sëmundjeve transmetuese seksuale.

Projekti pritet të përfundoj në Janar të vitit 2011 ku duhet të miratohet strategjia për mbrotje të shëndetit seksual nga ana e këshillit komunal të komunës së Gostivarit.