Në Maqedoni partia shqiptare në qeveri BDI është duke ndërmarrë takime me qytetarë.

Takimet po zhvillohen pasi Maqedonia nuk arriti të përparojë këtë vit në rrugën e integrimeve dhe në një kohë kur BDI po kritikohet nga opozita.

Kreu i BDI-së Ali Ahmeti në takimet me qytetarët thotë se duke qenë pjesë e qeverisë çështjet e hapura mund të zgjidhen më mirë në mënyrë institucionale.

Ai për çështjen e emrit tha se është pranë zgjidhjes edhe pse thotë se bëhet fjalë për një problem kompleks.

Në takimet gjithashtu tha se regjistrimi i popullsisë nuk do të jetë në dëm të shqiptarëve.

Po ashtu, ai ka hedhur poshtë të gjitha akuzat për bashkëpunim me shërbimet ish-jugosllave.

BDI ka zhvilluar takime me qytetarë në disa komuna dhe janë paralajmëruar të tilla edhe në ditët në vijim.

Ato vinë në kohën kur Maqedonia nuk arriti që të anëtarësohet në NATO dhe BE, për çka partia shqiptare në pushtet angazhohej fuqishëm.

Takimet e BDI-së me qytetarët ndërmerren edhe në kohën kur opozita shqiptare është kritike ndaj rolit siç thotë të saj inferior në qeveri, akuza që nuk pranohen. (bbc)