Aktorja e famshme e filmit, Nikol Kidman, ka zbuluar se roli i saj si ambasadore e vullnetit të mirë në UNIFEM, ndonjëherë e ka bërë atë të derdhë lot. Ajo tha se i është dashur të tregohet e fortë në mënyrë që të jetë në gjendje t'i dëgjojë tregimet e viktimave të përdhunimeve pa u ligshtuar.

"Ndonjëherë, për këtë jam person shumë i tmerrshëm, sepse mund të jem emocionalisht shumë e përfshirë", ka thënë Kidman për CNN. "Në Kosovë, më kanë nxjerrë jashtë dhe më kanë thënë, 'ky do të jetë një moment shumë emocional për tërë jetën tënde. Do të shihni dhe dëgjoni gjëra që nuk do duhej kurrë as t'i shihni e as t'i dëgjoni", tha ajo.

Kidman tha se vetë viktimat i kanë dhënë asaj fuqinë për t'i përballuar tregimet e tmerrshme të cilat i dëgjon teksa viziton strehimore. "Ato kanë aq shumë guxim... Kanë ëndrra të mëdha. Unë dua të ndihmojë... (por) Unë bashkëndjej me to dhe kjo pa dyshim se më rrëzon për tokë", është shprehur aktorja e famshme holivudiane, Nikol Kidman.