Presidenti amerikan Barak Obama ka mbështetje nga demokratët për nominim presidencial edhe në vitin 2012, ndërsa guvernatorja e Alaskës, Sara Pejlin humbi një pjesë të mbështetjes mes republikanëve, thuhet në rezultatet e anketës.

Në anketën e CNN-it dhe institucionit Opinion risërç thuhet se 78 për qind demokratëve e mbështesin kandidaturën e dytë të Barak Obamës, përderisa 19 për qind konsiderojnë se partia duhet të emërojë tjetër kandidat.

Në anketën 49 për qind republikanë deklaruan se "ka shumë gjasa" ose "deri diku e mundshme" që ta mbështesin Pejlinin nëse kandidohet për nominim republikan në vitin 2012.

Më shumë vota të republikanëve për nominim presidencial për zgjedhjet e vitit 2012 ka ish guvernatori i Arkanzasit Majkëll Hakabi - me 67 për qind përderisa ish guvernatori i Meseçusit, Mit Romnij ka 59 për qind mbështetje, ndërsa i treti është ish presidenti i Dhomës Përfaqësuese të Kongresit Njug Gingriç me 54 për qind mbështetje.