- Në fund të këtij muaji është e mundur të realizohet takim mes ndërmjetësuesit të posaçëm të KB-së, Methju Nimic me përfaqësuesit e Maqedonisë dhe të Greqisë, Zoran Jolevski dhe Adamantinos Vasilakis për kontestin bilateral lidhur me emrin kushtetues të Republikës së Maqedonisë.

Ky takim pritet, deklaroi presidenti i shtetit dhe komandanti suprem i forcave të armatosura Gjorge Ivanov pas vizitës së sotme te pjesëtarët e ARM-së, ta dinamizojë këtë proces dhe, siç theksoi, më në fund Maqedonia të gjejë zgjidhje për këtë çështje.

"Ne besojmë se do të gjehet zgjidhje dhe për këtë shkak edhe marrim pjesë në këtë proces. Çdo herë jemi konstruktivë dhe i japim të gjitha propozimet tona se si të gjehet zgjidhje", tha Ivanov, duke shtuar se kreu shtetëror ka qëndrim, që e prezanton Jolevski.

Lidhur me kërkesat e caktuara për ndryshime kushtetuese, presidenti Ivanov përmendi se si edhe në çdo shtet demokratik, çdo iniciativë duhet të shqyrtohet dhe të hapet debat i hapur.