E hënë, 22.09.2014
Impresum - Marketing - Arkiva - Kontakt

Yll Press

Qindra mijëra – madje edhe miliona – dollarë shpenzohen çdo vit nga përkrahës të artit, të etshëm për të poseduar pikturat më të njohura. Për më shumë, gjeni këtë listë për punën e Picasso-s, Van Gogh-ut dhe artistëve tjerë të njohur, të cilët ende dominojnë me çmimet më të larta.
10 pikturat e shitura me ēmimin mė tė lartė







Garçon à la Pipe nga Pablo Picasso ($104,100,000)

Piktura është bërë në vitin 1905. Garçon à la Pipe është vizatuar gjatë periudhës së famshme të Picasso-s,” Rose Period”, periudhë në të cilën Pikaso preferonte ngjyrat e hareshme rosë dhe portokalli. Piktura është e madhësisë 100 x 81.3 cm dhe përshkruan një djalë parisien, duke mbajtur një llullë në dorën e tij të majtë.

Çmimi rekord i paguar për këtë pikturë në një ankand në Sotheby’s, New York, më 4 maj 2004 ishte pak befasues. Përderisa në aspektin estetik piktura është tërheqëse, ajo nuk është e bërë në stilin e kubizmit (Cubist Style) për të cilin Pikaso është aq i famshëm. Shumë thonë se ky çmim rekord është më tepër për shkak të emrit të artistit sesa për cilësinë e pikturës.

Dora Maar with Cat nga Pablo Picasso ($95,200,000)

Pothuajse duke e dyfishuar çmimin e shitjes paraprake, e vlerësuar $50 milion, Dora Maar au Chat, rishtazi u bë piktura e dytë më e shtrenjtë në botë kur u shit në ankandin në Sotheby, më 3 maj 2006 për $95,200,000. E pikturuar më 1941, portreti i diskutueshëm i Picasso-së (një nga të fundit) ndonjëherë përshkruhet si një përshkrim i dashnores së tij Doraa Maar, që ishte një artiste/fotografe dhe dashnorja e Picasso, lidhja e të cilëve zgjati 10 vjet gjatë viteve të 1930-ta dhe 40-ta.

Portrait of Dr. Gachet nga Vincent van Gogh ($82,500,000)

Kjo pikturë e mjeshtërit holandez të impresionizmit Vincent van Gogh, papritmas arriti famën botërore kur biznismeni japonez Ryoei Saito pagoi $82.5 milion për të në ankandin në Christie's, New York. Saito ishte aq i lidhur me pikturën sa që dëshironte që ajo të digjej me të kur vdiq. Saito vdiq në vitin 1996, por piktura shpëtoi.

Në të vërtetë Vincent van Gogh pikturoi dy versione të portretit të Dr Gachet. Versionin tjerë mund ta shihni në Musée d'Orsay në Paris, që ka ngjyra tjera.

Au Moulin de la Galette nga Pierre-Auguste Renoir ($78,000,000)

Bal au moulin de la Galette, Montmartre është një pikturë e vitit 1876 nga artisti francez Pierre-Auguste Renoir. Më 17 maj 1990 u shit për 78,000,000 te Sotheby's në New York City, te Ryoei Saito, që e bleu së bashku me portretin e Dr Gachet.

Massacre of the Innocents nga Peter Paul Rubens ($76,700,000)

Kjo pikturë nga Peter Paul Rubens, pikturuar në vitin 1611, është e vetmja pikturë në këtë list, e cila nuk ishte e pikturuar në shekullin e 19-të ose 20-të. U shit te Kenneth Thomson për $ 76,700,000 në ankandin e vitit 2002 te Sotheby's, New York

Portrait de l'Artiste sans Barbe nga Vincent van Gogh ($71,500,000)

Portrait de l'artiste sans barbe ("Autoportret pa mjekër") është njëri nga shumë autoportretet e pikturuara nga piktori holandez, të punuara në Saint-Rémy-de-Provence, Francë në shtator 1889. Kjo pikturë është pikturuar me bojë vaji në pëlhurë dhe ka madhësinë 40 cm x 31 cm (16" x 13").

Van Gogh ka piktuara këtë menjëherë pasi ka hequr mjekrrën. Kjo është një pikturë e pazakonshme, pasi që pikturat e tjera të tij e tregojnë me mjekërr. Auto-portreti është një nga pikturat më të shtrenjta pasi që është shitur për $71.5 milion në vitin 1998 në New York.

Rideau, Cruchon et Compotier nga Paul Cézanne ($60,500,000)

Kjo pikturë nga Paul Cézanne, e pikturuar gjatë viteve 1893-1894, është shitur për $ 60,500,000 te Sotheby's New York më 10 Maj 1999 te "The Whitneys". Whitney, i lindur në një nga familjet më të pasura në Amerikë, ka qenë një ndërmarrës kapitalist, publicist, producent i Broadway dhe Hollywood-it dhe filantropist.

Femme aux Bras Croisés nga Pablo Picasso ($55,000,000)

Kjo pikturë, e pikturuar më 1901, ka qenë pjesë e periudhës së famshme të Picasso-s "Blue Period", periudhë e zymtë dhe e dëshpërimit. Kjo pikturë përshkruan një grua duarkryq, duke shikuar ngultas në një asgjë të pafund. Nuanca të bukura e të ndryshme të ngjyrës së kaltër janë tipike për këtë periudhë të Picassos. Me 4 piktura në mesin e 10 pikturave të shitura më çmim më të lartë, mund të themi se Picasso pa dyshim është piktori më i shtrenjtë.

Irises nga Vincent Van Gogh ($53,900,000)

Me tri piktura në mesin e këtyre 10 pikturave, van Gogh është gjithashtu ofruesi kryesor i pikturave të shtrenjta. Vincent van Gogh ka bërë këtë pikturë te Saint Paul-de-Mausole në Saint-Rémy-de-Provence, Francë në vitin 1889, vetëm një vit para vdekjes së tij. Në vitin 1987, ishte piktura e shitur me çmimin më të lartë ndonjëherë, edhe pse ky çmim rekord që nga ky vit është tejkaluar. U shit për $ 54,000,000 te Alan Bond dhe u rishit te Getty Museum.

Les Noces de Pierrette nga Pablo Picasso ($51,670,000)

Edhe Les Noces de Pierrette është pikturuar gjatë "Blue Period" të Piccasos, periudhë gjatë të cilës ai vuante prej varfërisë dhe depresionit. Kjo pikturë iu shit një biznismeni të pasur kinez për $51,670,000 në Binoche et Godeau në Paris, Francë, më 30 Nëntor 1989.

Publikuar: 02.01.2011 | 12:15
Lexuar: 5119 herė
Printo PDF format Shto nė,..

Komentet
diana (26/03/2012 13:08:51) shum piktur e bukur

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime