Ndryshimi i motit ka bërë që menjëherë të shtohet numri i aksidenteve në komunikacion. Në mëngjesin e sotëm, në fshatin Hallaç të Madh të komunës se Lypjanit, dy persona janë lënduar pas daljes nga rruga të tri veturave.

Gjithashtu një aksident tjetër ka ndodhur në aksin rrugor Prishtinë-Mitrovicë, në të cilin janë përfshirë një numër i madh i veturash. Sipas zyrtarëve policorë pos dëmeve materiale, në këtë aksident nuk është lënduar asnjë person.

Po ashtu policia ka thënë se ndër shkaqet e të dy aksidenteve janë mjegulla e madhe dhe mos pastrimi i rrugëve. Policia u ka bërë thirrje vozitësve që të kenë kujdes gjatë vozitjes.