Dy yjet e Interit, Samuel Eto'o dhe Wesley Sneijder, kanë qenë pre e hajdutëve gjatë festave të fundvitit, shkruan gazeta italiane "Il Corriere dello Sport" të mërkurën.

Sulmuesi kamerunas Eto'o ka zbuluar se një numër i orëve të shtrenjta të dorës i mungonte pas plaçkitjes që dyshohet të ketë ndodhur më 26 apo 27 dhjetor.

Po ashtu edhe Sneijderit i janë vjedhur orë të dorës, bizhuteri dhe rroba të shtrenjta. Gjatë festave të fundvitit është plaçkitur edhe shtëpia e mbrojtësit të Genoas, Kakha Kaladze.